उद्धारको नयाँ नियम

भत्किएको घरको भग्नाबशेसमुनि

थिचिएको एक सिकिस्त घाइते
भाँचिएका हात खुट्टा
रगताम्य शरीर,गहिरा घाउ
असह्य पीडाको साथ
जीवन मरणको दोसाँधमा।
भर्खरै पुगेका एक
सरकारी उद्धारकर्मि
घाइतेको घाउ होइन
पहिले उनको छालाको रंग जाँच्छ,
उनको भाँचिएका हाड नाजाँचि
उनको थर र ठेगाना सोध्छ,
उनलाई भग्नाबशेसबाट उद्धार नगरी
पहिले उनको इतिहास केलाउँछ।
उद्धारकर्मि मानवीय उद्धार होइन
ऊनिलाइ त इतिहासको गल्ती सुधार्नु छ,
उद्धार भन्दा पहिले उनलाई
राजनीतिक समायोजन जो गर्नु छ,
उद्धारको नयाँ नियम जीवन मरण होइन
घाइतेको सामाजिक परिबेश पो बनेको छ।

अजय प्रधान । मे २६, २०१५